Farinn að brosa!

Haldiði að Gunni litli Magg sé ekki farinn að brosa til foreldra sinna? Hann tók upp á þessu um helgina og brosti fyrst til pabba síns. Ég trúði honum náttúrulega ekki þegar hann sagði mér þetta fyrst en svo brosti litli maðurinn til mín líka. Manni vöknaði nú bara um augun. En þessi mynd er alla vega fyrsta myndin sem við náum af brosi, þó svo brosið hafi verið að fæðast þarna og varð svo miklu stærra ;)

Annars brosti kallinn líka skemmtilega í morgun. Hann sat sofandi í ömmustólnum sínum og byrjar að opna augun af og til og er að reyna að vakna. Svo koma tvö blaut prumpuhljóð og litli kallinn leit til föður síns og skælbrosti! Greinilega skemmtilegur kall þessi pápi. Ætli þeir munu ekki hafa sama húmorinn feðgarnir.