Barnalæknirinn

Við fórum til barnalæknis í gær. Gunnar Magnús kom alveg ofsalega vel út. Hann er orðinn 4.460 grömm og 53.7 cm. Þegar hann lá á vigtinni, bjó hann til þessa líka svakalega flottu pissuparabólu og pissaði á vigtina og út á gólf. Mamman rétt náði að stökkva frá bununni. Fyrr um morguninn hafði ég verið inni á baði þegar við vorum að flýta okkur að koma okkur út og Gunni var að skipta á litla manninum. Þá heyri ég kallað til mín skelfingarröddu: ,,Mæja! Hann er búinn að pissa framan í sig og kúka á mig!!!".